السلام عليكم ورحمة الله وبركاته
اليوم سلمكم الله رحلتنا مع شقيقي وصديقي ابو بدر وابنه بدر الى وين ؟؟ الى تايلند ^_^ الرحله كانت جميله ولطيفه وظريفه تخللها زيارات عده الى مناطق عديده في ربوع تايلند .. وراح تكون ان شاءالله على جزئين الجزء الاول الى بانكوك وشانغ ماي والجزء الثاني الى بوكيت ..
فخلونا نشوف اليوم الجزء الأول في رحلة بانكوك وشانغ ماي .. توكلوا على الله
هذي بانكوك اللي يقولون
طبعا حطت الطياره في مطار بانكوك الدولي .. مادري شسمه
هذي الطياره
هذا بدران بطل الرحله J
وبعدين عاد تم حجز غرفه في احد الفنادق الشاهقه واللي تطل على اكثر من عماره وفندق
هذا منظر عام من غرفة الفندق
وهذا التوك توك الفخم ويبدوا بدوري في وسط التوك توك ^_^
طبعا التوك توك الفخم اهوه المغطى واللي مو فخم راح تشوفونه بعدين
المهم القعده في بانكوك جنها مو زينه شرايكم نروح حق شانغ ماي ؟؟ يالله نروح اشورانا
==========================
ورحنا بعدين حق منطقة شانغ ماي
وقعدنا نتجول ونتجول ونشوف شفيها مافيها ... ماشاءالله عليهم عيال الذين مناطقهم عليها خضره مو طبيعيه ورطوبه موطبيعيه بعد .. يعني طول السفره طرق هالشورت والا هالثري كوارتر وانقز .. تعالوا خنشوف خنشوف
هذيل ربعنا ابو بدر وابنه بدر في احدى الحدائق .. جنها المشاتل اللي عندنا بالكويت ^_^
ديروا بالكم لاتطيحون بالماي اللي وراكم ترى في يرايير هىهىهىهى
شرايكم الحين نروح حق حديقة الفراش ؟؟ وزوزوزوزوزوزوز طيري طيري يافراشه انا عم بحلم ليل نهار والورد مفتح على بعضوا ... دشوا ستين الف اغنيه في بعض عادي ماعليه
هذيل اهمه الفراش .. مادري اهمه جذي شكلهم شاقين لهم جم اناناسه والفراش طاب فوقهم ياكل
فراشه تشفط من هالورده عاد عقب ماتشفط تعالوا شوفوها اتقولب يمين يسار جنها لاكته اعوذ بالله
حشا خفافيش مو فراش ... شنو هذيل شفيهم معلقين جذي ؟
بسك
لعب مع الفيله ياصبي
شرايكم الحين نروح حق رحله في احد الانهار العامره في شانغ ماي ؟؟
سوق على مهلك سوووق بكره الدنيا اتروووق
ودريولنا عاش عاش دريولنا بيب بيب ... دريولنا عاش عاش مايطوف الحمره .. الحمره سكة الندامه .. دريولنا عاش عاش ودريولنا بيب بيـــــــــــب <== مؤثر صوتي يدل على انه هرن الكريته علّق معانا وشكّل
الحين عاد نوصل للبحيره ونركب لنا مركب
خشبي عادي يحذفك يمين يسار مو مشكله بس خل يمر يمك أي شي والا انت بوسط النهر ..
عاد الله يعينك تمساح يمر يمزمز فيك يريور يدلدغك عادي ماكو مشكله
هذا اهو مركبنا ... لا حد أمه امان المركب ها ؟؟
شتسلم عليه يابو فلان الله يهديك بس ؟؟ خلنا انعابل بهالطريج بالأول بعدين يصير خير
مسكين ولدنا طقته الشمس .. ماينلام والله ^_^
يالله خلاص خلصنا بعد وين تبون نروح ؟؟ خو خلاص ماكو شي .. خل نرجع للديره ونتجول فيها شوي دخنا نبي ننام وباجر نكمل
هذا
في طريق العوده للفندق .. راكبين مع هالشاب اللطيف على هالتوك توك العجيب هذا التوك
توك اللي قلتلكم عنه مو فخم جذي
يالله خل نتجول في اروقة شانغ ماي شويه بس
هذا هاغين داز ومثل ماذكرت الشباب الحلوين مسطرين محلاتهم جدام المحل الأصلي ومسكبين فيه .. عاد اوله والمحلات .. دراريع .. دلاغات .. مادري شنو أي شي يابوه وحطوه جدامه واهوه ساكت مايتحجى صاحب محل هاغين داز
ستار بكس شانغ ماي .. اهم شي الفرشات الزرق اللي على الطاولات
حشا كوخ ساحر مو كشك حق التبضع والتسوق
تعالوا نشوف هالحلوين الحين
ههههههه
برّد ياولد برّد .. ها تبون مساج وبدي كير ومنيكير في الهواء الطلق ؟؟ ^_^ ترى على كيف كيفكم
عاشوا بطول النامليت المسطرين .. بطول بيبسي كولا .. كمثره .. جزر .. موز .. بطيخ جيب رقي <= ياملغ هالدعايه .... طبعا كل شي تلاقونه في مكان واحد ماتتعبون
يالله خلاص اليوم نروح الحين وباجر نكمل رحلتنا
وفجأه صحينا من النوم وطق براسنا نروح حق رحله يديده لأحد الشلالات والسباحه هناك ... يالله فوقه
عاش بو بدران الخطير اللي يمشي على الجسر بريل وحده ^_^
جنه وصلنا
انزين بعّد شوي جنك قريب من الشلال مالنا خلق ترى J
اعلى الشلال
منتصف الشلال
آخر الشلال
هني طبعا طقوها سباحه الشباب ويقولك الماي بااااااااااااارد ياحضرة القاضي ^_^
عاد خلصنا من السباحه خل نرجع بس تعبنا من السباحه والمشي
هذا معبد مادري منو خيولي مانبي نروحله .. اوله اشطول الدرج الواحد يهلك واهوه يصعد
عاد وصار الليل وخل نروح نتعشى بمطعم عشان باجر نسافر حق بوكيت
ياخي اسامي اكلهم غير عن اسامي اكلنا ^_^
والا الربيان صار دوبيان ؟؟
اللحم صار العم ... والدجاج صار رجاج
.. ماشاءالله خوش اكلات .. يبا هونا مانبي خلونا على أم الدوبيان وايد ابرك
وبجذي خلصنا من شانغ ماي ونشوفكم ان شاءالله في رحلة بوكيت
سلام