السلام عليكم ورحمة الله وبركاته
رجعنالكم في بازار الجامعة الامريكيه اللي صار من جم يوم في مواقف الجامعه الامريكيه في منطقة السالميه ... كانت الاجواء جميله والناس رايحين ورادين يبيعون في هالبازار والناس الثانين يشترون في امان الله ولله الحمد الوضع اوكي وكل شي جميل والجو بديع والدنيا ربيع
التسوق في ارجاء البازار
خلونا شوي نشوف البعض من المعروضات الموجوده في البازار
شموع من صنع يدين احدى الفتيات ...
متعوب عليهم الصراحه وبنت الحلال مسكينه كل شوي اتوخرهم عن الشمس عشان لايذوبون
ويختربون 
ياسلاااام عالدراريع والنفانيف المعلقه ... اياباااه تقول سوق اليمعه بس على اذرب شوي
شباصات واكسسوارات جميله ... احلى
من المحلات ... عطوا الناس فرصه والله يبدعون ياجماعه
شغل عدل رسم وطباعه وكل شي تبونه يسوونه لكم
تيجان وشباصات وبراويز مطرزه بشغلات جميله
الزحمه ماليه المكان ... ماشاءالله
يالله شيل برخص اللي تبون اسعار
ماتتخيلونها 
خذ راحتك بالتجوال والاستمتاع في التسوق
الحين نروح لبيع بعض الحيوانات عزكم الله
الصراحه مادري على جم .. بس شكلهم
يشوق على قولة البعض
شحلاته مربوط بربطة عنق جميله ..
ومؤدب الجلب مايسوي شي حق اللي يلعب معاه يعني اليف
ياقلبي علامك جذي ضايق خلقك ... يا
الطيب اضحك للدنيا تضحكلك خذ الأمور ببساطة متناهيه
اهداء للارنب اضغطني
هذا اتوقع صديق اللي فوق او ولد خالته شي مني مناك ... هم متضايق
اتهقون هذا زوري ملوّن ؟؟ والله مادري بس يمكن زوري او بلطي عاد مالي بالسمج الصراحه
على قولة واحد مني عيالنا تكاتيك
مادري اهم جذي يطلع
لونهم والا يصبغونهم ؟؟
وهالمسكين من التعب عطاها قيلوله
تحت الطاوله
مو صج ترا
عودك رنان رنة عودك إلي ... هذا اعتقد من الانتيكات العواده القديمه ملوت الاكراد والاتراك وهالطقه
وهذا مو من الانتيكات هذا من ربع
الشيسمونهم
يالله بلا راجو وربعه اللي يفترون بالشوارع يبيعون سيديات ... هني تلاقون كل شي من السيديات بس للأمانه ماشفت شي موزين كل الافلام اللي انعرضت زينين مافيهم مني مناك
وليه انكسرت الطاوله ... يالله ماعليه هاردلك ياشباب
عاد ماكان في حر لماذا الشماسي ؟؟
على 3 دنانير يابلاش
ماشاءالله بالعافيه يبا ... خلصوه
دعاية ريبان
هذا مو انا اللي طالع
بالنظاره .. هذا احد الاصدقاء يمارس هواية التصوير .. عاد اشصور مادري عنه الصراحه
وفجأه .... ترممممممممممممممممممممممممممم
حضرت سيارة البلدية ... وقالت لهم
بما انه ماعندكم ترخيص للمواقف يالله شيلوا اغراضكم
انزين ليش خو كله يوم واحد ماسووا
شي الله يجزاكم خير ... في شغلات ثانيه سايبه في اماكن ثانيه حيلكم فيها والا عشان
شي معين قلتولهم جذي ؟؟ 
شوفوا اللي حاطين بسطات بكل مكان ويبيعون على كيف كيفكم ... شوفوا المأساة جليب الشيوخ واللي صاير فيها من بلاوي زرقه تنباع هناك ولا احد قالهم شي الا من بين وين ووين يالله تصير عليهم كبسه وبعدين يردون الوضع طبيعي ... يت على الجامعه الامريكيه يعني ؟؟ لا ويوم واحد بعد ؟؟ خو خلاص حطوا مراقبين في المكان وخلوهم ماسووا شي غلط
وبدوا يشيلون اغراضهم المساكين
ماشاءالله شطبوا عليه قبل لايروحون
أهم شي كيب إت فوق
وحاشتهم الازاله
مممممممممممممم شمدخله هني ؟؟
اهااااااا شايل اغراض والا شنو
بالضبط ؟؟
منظموا البازار والمتطوعون يشيلون الكراسي اللي حطوهم للأوادم
يعطيهم العافيه ماقصروا
مسكينه هالبنت تعبت تشيل كراسي وتشيل شراشف وتشيل وايرات ... ماقصرت الصراحه ... المفروض يكافئونها
تصور الحدث لايف .. انا بعرف وين الشباب مايشتغلون ليش اغلب الموجودين هناك ويشتغلون بنات وين الشباب ؟؟
الله يعطيه العافيه هذا بعد الصراحه هم ماقصر ... شاد حيله لين بغا ينهد المسكين ومبين عليه التعب المسيجين
للصمود عنوان
لآخر رمق
مره ثانيه نصيحه للمنظمين اخذولكم تصريح وفكوا عمركم .... في بعض الناس للأسف تدقق على شغلات لغرض في انفسهم ويخلون شغلات ثانيه
ونشوفكم ان شاءالله في بازارات اخرى
30/3/2009