برشلونه ودندرن

11/4/2010

السلام عليكم ورحمة الله وبركاته

ذهبت ولله الحمد الى مدينة ابو ظبي في دولة الامارات العربيه المتحده الشقيقه لتغطية احداث بطولة العالم للأندية الأبطال واللي شارك فيها نادي برشلونه الاسباني - استوديانتس الارجنتيني - بوهانج ستيلرز الكوري الجنوبي - اتلانتي المكسيكي - اوكلاند النيوزلندي - مازيمبي الكونغي والاهلي الاماراتي الفريق المستضيف للبطوله فكانت لي هذه التغطيه لهذه البطولة وللفريق الكاتالوني العريق الفائز في البطوله برشلونه الاسباني ... فتعالوا نعيش احداث هذه البطوله مع بعض وان شاءالله تعجبكم هذه التغطيه

بداية وصولي للعاصمه ابو ظبي توجهت مباشرة لاستخراج التصريح الخاص للبطوله فكان الاستقبال اكثر من رائع وتم استخراج التصريح بربع ساعه فقط ...

بعد استخراج التصريح الخاص للبطوله توجهت لملعب استاد زايد الدولي مباشرة اضغط هنا لمشاهدة بعض التفاصيل عن ملعب استاد الشيخ زايد رحمه الله

والا في مباراة قائمه في الملعب بين ناديي اوكلاند سيتي النيوزلندي ومازيمبي الكونغوي وكانت لتحديد صاحب المركز الخامس وانتهت بنتيجة 3/2 لاوكلاند سيتي

اخليكم مع لقطة الهدف الثالث هدف الفوز النيوزلندي اللي دخل في الدقيقه 90 من زمن المباراة

فرحة الفوز بالمركز الخامس في البطوله ... يعني الفريق النيوزلندي افضل خامس فريق في العالم

وبعدها مباشرة كانت مباراة برشلونه الاسباني واتلانتي المكسيكي ... نشوف بعض صور للجمهور البرشلوني قبل اللقاء

ينطر المباراة ويترقب

الظاهر دخلوا لاعبين برشلونه الملعب

كفّج الله يغربل بليسج

تشجيع برشلوني بحماس

يترقبون

F C B

فورزا بارسا

بيــــه للحين ذاكرها ؟؟

ودخل الفريقين ارض الملعب وقعد كل واحد بمكانه ونشوف بعض اللقطات من اللقاء وقبل اللقاء

مصور يقترب شوي شوي ويصور ميسي الاحتياط ها مريح الحبيب روح جكجك خذ راحتك

مادري شقاعدين يقولون الكتلان قبل المباراة

برشلونه قبل اللقاء

وابتدا اللقاء

بويول يقطع الكره من لاعب المكسيك

وفجأه والا قول للفريق المكسيكي

ونظرة حسره من ابيدال

وبدا برشلونه بالضغط لتعويض القول اللي دش عليهم

قولجي المكسيك ولسان حاله يقول للكره روحي مراح اللي راحوا ولا ردوا

والحكم يزف اللاعبين ... خلاص يبا امسحها بويهي يامعود مايسوون شي

ابراهيمو والقولجي المكسيكي وطق مطاقق

مممممم شنو براسك يا تشافي ؟؟

الحق لاتلحق

وشدت المباراة وللحين ماكو فايده يالبرشلونيه

يالله شد الحيل نبي قول مايصير برشلونه يطلعون من اول مباراة

هوباااااااااااااا قول التعادل للبرشا

وانتهى الشوط الأول بالتعادل 1/1 وننطر الشوط الثاني

يكلم اهله بين الشوطين يتطمن عليهم

وبدا الشوط الثاني

جنه مشروع مجزره باللعب

شكله يقول جذي

وينزل ميسي ويقولهم انا ييت

ويستلم ميسي الكره وينفرد بالقولجي ويحطها قول

ماشاءالله توك نازل يالطيب خف شوي عليهم

وتستأنف المباراة

بيــــه اش هالتبكّس اللي صار ... اهم شي اللي كاتب على ايده شيء لك الحياة في بلدي ... مادري جنه الكلام غلط شكله مترجمها بقوقل الحبيب

وميسي يكمل انطلاقاته

ومايقدرون يوقفونه الا بطق

لا اشكره يبيك

كملوا على انييستا بعد شوي شوي لاتشلع ويهه يامعود

والقول الثالث للبرشا

صدقوني ماتقدرون عليه ... اربعه ياظلمه

وانتهت مباراة برشلونه الاولى بفوزهم 3/1 واصعدوا للنهائي يقابلون استوديانتوس الارجنتيني

والحين خل نحوس شويه في اجواء البطوله لين وقت المباراة النهائيه

هني سلمكم الله الصحافيين في المؤتمر الصحفي لبرشلونه قبل اللقاء بيومين ناطرين ميسي وغوارديولا مدرب البرشا

وحضر اول شي ميسي

يطالع الكره ويقول ابيج بالنهائي

شتطالع وشتفكر فيه

ترد وتقوله انا اللي ابيك يابو الميس مو انت اللي تبيني

قول واتكلم

اخيرا ضحكت بالمؤتمر زين

يسمع الترجمه

واثق الخطوة

وخلص ميسي وحضر غوارديولا المدرب

شتفكر فيه ؟؟ شلون بتلعب بالنهائي

علامك يالحبيب شفيك ؟؟

نص ضحكه

وينافخ

ها نويت عليها انت بعد ؟؟

هي هي هي ناطرينك بالنهائي يالطيب

ونخلص من المؤتمر ونروح للمركز الاعلامي

بعض اللقطات التذكاريه من داخل المركز الاعلامي لبعض المحررين وهم يشتغلون

يالله خلنا نروح الحين حق داخل استاد الشيخ زايد رحمه الله ونشوف تمرين الفريق الكوري قبل مباراة تحديد المركز الثالث والرابع واللي صارت بين بوهانج الكوري واتلانتي المكسيكي واللي انتهى وقت المباراة الاصلي بالتعادل 1/1 وفاز بعدين الفريق الكوري بضربات الجزاء الترجيحيه بنتيجة 4/3

ونشوف بعض صور التمرين

وطق المطر طق

استراحة شوي تحت الشمسيه المظله اللي هي

هوب هوب هوب .. عاش حميدو شامل

ياعمري يارذاذ المطر

هذا تمرين والا طق رقبه ؟

يامعود لاتتمصع عليهم

ولازال المطر يرفرف والاخت اللي تحت الشمسيه ماتبي تدخل اللي جدامها معاها تحت الشمسيه

نطقلنا فره على المدرجات ونشوف تنظيف الكراسي والمدرجات قبل المباراة النهائيه بيوم ... يعطيهم العافيه الصراحه تنظيف شغال بعد كل مباراة الله يعينهم ويعطيهم العافيه الصراحه

شغل صح

واطلع من ملعب الشيخ زايد واروح حق ملعب نادي الضباط حق تمرين برشلونه وافتر وافتر ادور الملعب يالله لقيته ...

الله يخلي الـ Garmin

ووصلت الملعب والحمدالله وصلت قبل التمرين بوقت كافي وخذيت وضعي

ويرشون الماي على الملعب بامر من مدرب الفريق البرشلوني مو عاجبته الظاهر الارضيه

والحبيب يصور الماي واهو يرش ... شوي جان يطيره الهوى ويلف الماي صوب المصور

انحش

يالله سنعوا الشبك جزاكم الله خير ... انزين ييبلك سلّم واصعد عليه شكو معذب اللي تحتك

وبدا تمرين برشلونه

بويان وابراهيموفيتش

طول التمرين فاصل ضحك هالحبيب ...

تكفى اضحك ياغوارديولا .. كله مبوّز مايصير يالطيب

الله ياهم طاحوا فيك سب المدريديه خصوصا بعد الكلاسيكو الاخير

شتفكر فيه ... البطوله بالمخبه طال عمرك

غوارديولا يقول لابراهيموفيتش ... شوف يا ابراهيمو ... باجر ابيك تدابج يمين ويسار سمعت مني ؟؟

وخلص التمرين وشلت قشي ورحت الفندق اريح بعد يوم شاق من الفراره ... وصار باجر يوم المباراة النهائيه فقلت لازم اروح شوي بكير عن الزحمه خو شوراي ماعندي شي اقعد بالمركز الاعلامي واكل من هالبوفيه الخفيف اللطيف بالتكييف وانطر المباراة النهائيه لين تبدي وشوف شغلك