السلام عليكم ورحمة الله وبركاته
شلونكم شاخباركم عساكم بخير وعافيه وصحه حلوه ؟؟ عدنا لكم مره ثانيه ولله الحمد بعد
اخذ اجازه في الصيف والتنقل من هنا الى هناك ... المهم ماطولها عليكم
يقولكم حلو الواحد لما يسافر يجرب أي شي بس عاد طبعا مو أي شئ لا عاد بحدود طبعا
^_^
المهم ولو انه ادري ماله شغل الكلام اللي قلته بموضوعنا بس يالله اهيه اتصير مرات
بس عادي ماتفرق ان شاءالله :)
في سفره من السفرات حق شرم الشيخ هذه المدينه الساحره حبينا انا وصديقي اللي كله
ماكلها معاي مسكين ان نروح رحله على البانشيات ونصعد الجبال والهضاب والبراري
والتلال
فاتفقنا على احد الايام الخوالي وبلغنا ريسبشن الفندق على الموعد المحدد عشان
يبلغونا في موعد وصول القروب والمجموعه اللي بنروح وياهم وطبعا صار الوقت المحدد
ووصل الباص اللي راح يودينا
الى مكان نقطة البدايه ... وطبعا كالعاده كله متأخرين انا وصاحبي ... ماكو فايده كل
مره نقول بنروح مبجر بس سبحان الله ياربي ماندري ليش كله متأخرين .. السبب معروف
رفيجي كله ينام ويأخرنا ^_^
طبعا القروب اللي ويانا كلهم اجانب واهمه معروفين بمواعيدهم المضبوطه ... ومن أولها
نجره احنا وياهم اهمه يتحلطمون على التأخير وانا ورفيجي انجعّم فيهم .. خو كيفنا
يبا بنتأخر بنسوي اللي نسوي محدش له دعوه بالتاني ^_^
ورحنا سلمكم الله مكان التجمع اللي عشان ننطلق منه على ظهر البانشيات للرحله ...
فتعالوا انشوف الحين الاحداث بالصور ... ونسولف لكم عن هالرحله
هذيل البانشيات ناطرين الاوادم عشان
يبلشون الرحله
وهني لحظة الاستعداد للانطلاق وبعض
افراد القروب اللي ويانا قاعدين يسنعون اعمارهم
طبعا اهمه هناك راح يعطونك خوذ وسوالف عشان تلبس وتركب البانشي وتتوكل على الله
فتعالوا الحين ناخذ لنا جم خوذه
المهم وكل واحد عاد يروح يدور البانشي المناسب حقه ويركبه طبعا اكو قير عادي واكو
اوتوماتيك انا ركبت بانشي ورفيجي ركب بانشي وكل واحد فينا ركب بانشي بروحه (انزين
دروا الاوادم خلاص عاد) طبعا راح اسدي لكم بنصيحه لاتاخذون قير عادي لووووووووول كل
شوي راح يوقف فيكم مثل ماصار برفيجي ... مادري حارقين صينية الكلج مادري مركبين
عليه قير طقطاقي
ونبدأ الرحله في طريق الذهاب الى وجهتنا اللي ماندري وين ... اهمه قالولنا بتروحون
جبال وجذي ويالله احنا وياهم :D
عاد اوله ياهي طريق وعره وبلاوي ولويه ... راح تعرفون اسباب اللويه بعد شوي :)
عاد في منتصف الطريق حب صديقي ان يجرب هواية التصوير وقال بيصور القروب واهمه في
طريق الذهاب فتعالوا نشوف تصوير رفيجي في الثلاث لقطات القادمه ونشوفه يصلح يصير
مصور والا لأ ؟؟ ^_^
ماشاءالله عليك يابو فلان لك مستقبل الصراحه كأول تجربه تصويريه وطلعت جذي ...
الحبيب قاعد يصور الاوادم اللي وراه ومخلي اللي جدامه ... طبعا لأنه ماكو أحد جدامه
اهوه كان أول واحد سابقنا فمن جذي كان قاعد يصور الناس اللي وراه بس مسكين بعدين
طلعت عليه عكسيه السالفه وصار من الأول لي الأخير لوووووووووول والسبب طبعا مثل
ماانتوا عرفتوا انه البانشي ماله طفى عليه بنص الطريج
وبغوا يفيشون فيه اللي وراه لو ما الله ستر هههههههههه تعيش وتاخذ غيرها يالحبيب
المهم ووصلنا حق الاستراحه الأولى في رحلتنا ... حق جماعه من الأخوه المصريين
وريحنا عندهم شوي عشان بعدين نستأنف الرحله
مكان الاستراحه .. عشيش في البر
مغطاة بالسعف والليف وفيها من المشروبات البارده اللي تبرد على الواحد من بعد
هالرحله اللي انتلفنا فيها من التراب والطرق الوعره
هذيل بعض افراد القروب اللي معانا
مريحين في احدى العشيش وقاعدين يبردون على نفسهم
واحنا هم قعدنا وريحنا عاد في هالفتره حب رفيجي يكمل هواية التصوير اللي اكتشفها
فيه من جم دقيقه فقط وقعد يصور ويجكجك ... شوي جان اتصير كاميرته في هالشكل هذا
ههههههههههه من شنو يابوفلان ؟؟؟ اثاري المسكينه الكاميرا من المطامر اللي بالبانشي
والصعدات والنزلات في الطريج صار فيها جذي لوووووووووول
وهني صديقي يشرح كيف كانت المعاناة
في التصوير واهوه يسوق البانشي ماله بو طقه ... ومن بعدها الظاهر حرّم رفيجي يصور
واهوه يسوق
تعالوا الحين شوي نتجول في الاستراحه ونشوف شفيها مافيها عشان بعدين نكمل رحلتنا
العجيبه
ذكرني في عيد بن شاكر اللي في مسلسل
الحيّاله ^_^ يعني افهم من جلامك انه ماكو مسابيح طيبه عندك ؟؟
ها منو فيه شده يركب على ظهر البعير
؟؟؟
تعالوا خنقرب شوي بعد
وليييييييه حتى البعير شربتوه تتن
؟؟؟
هذي أذيه هالبنت ... كل شوي وتعدل
بالغتره اللي لابستها ... يبا دامج مو عارفه تلبسينها شكو التفلسف الزايد ؟؟ اشفيها
خوذة رفيجي يعني ؟؟ اخذي مثلها وفكينا لابستلي غتره وطاقة اللطمه يعني امسكته ؟؟
وأذت هالمساكين اللي بالاستراحه كل شوي تعالوا عدلولي وتعالوا ضبطولي وتعالوا مادري
شنو
أذيتيهم المساكين شنو ماعندهم غيرج ؟؟ ^_^
هني زهقوا منها وخلوها اتعدل شغلها
بروحها
وكملنا رحلتنا ترم ترم ... سكشن
مادري جم ترم ترم
ووصلنا للمكان المقصود في الرحله ووقفنا بانشياتنا على صوب ونزلنا وقمنا نمشي ونمشي
ونصعد تله وننزل هضبه وهم مره ثانيه نصعد تلـّه وننزل هضبة اي ليمتى عاد ؟؟
هني واحنا يالقروب قاعدين نصعد
الجبال
هذا رفيجي قاعد يصعد شكله تعب
ووصلنا الى اعلى قمه في الجبل ههههههههههه تعالوا نطل من فوق الجبل ونشوف شكو ماكو
بيييييييييييه والله مسافه ها ؟؟
وهذا صديقي ... انزين يامعود وخـّر
عن حافة الجبل مو شي السالفة ترى :)
ونفر الصوب الثاني ونشوف هالاجانب
مسكوا ياهلكم الله يغربل بليسكم وعن الخمبقه الزايده اهو
ياعيني على القعدات المضبوطه ...
يبيله جاي وقهوه عربيه اياباه ... واذا حصل بعد خروف صغيرون مانقول لأ ترى ^_^
وتاني تاني تاني ... تريررم راجعين
للعفسه تاني تريرررم ... والنزووول من هالدري من تاااااني
ونزلنا وقعدنا معاهم وسولفنا
ودردشنا ..
يعطيه العافيه الصراحه قايم بشغله
على اكمل وجه ... عنوان الضيافه العربيه عندهم الصراحه ... يبدينا احنا يالعرب على
هالاجانب :)
تعالوا نفتر داخل المخيم الصيفي شرايكم ؟؟
ياسلام .. من علي عبدالوهاب الظاهر
اتعب على التراث
وصار الليل وظلمت الدنيا والسوالف لازالت في اوجها .. حلوه هذي في اوجها ادري
وشارفت الرحله على الانتهاء خو خلاص بنرجع لفندقنا بس عاد لي متى نقعد في البر ؟؟
انتلفنا رمل
وقعدنا نتزهب لطريق العوده ... عاد الله يعين ماكو لا ليتات ولاشي نمشي على النجم
والثريا ههههههههههههه قويه ها ؟؟ ^_^ ماعليه طوفوها عادي عادي
هني تونا قاعدين نركب بانشياتنا في
طريقنا للعوده
وهني حركنا اسم الله علينا
وهني وصلنا ولله الحمد بعد رحلة
عناء في هذا الظلام الدامس اللي لولا الله سبحانه ثم بن عيدان جان ماوصلنا
عاد لما توصل آخر شي والا تلاقي هالصور المسطره جدامك على لوحه ... تعال دور صورتك
وامش روح بيتكم ولسان حالهم يقول حياكم الله معانا مره ثانيه اي خير ان شاءالله هذا
ويهي ان شفتوني مره ثانيه ... ناقصين تراب ورمل مره ثانيه احنا ... يمدحون رحلات
البحر ترى ^_^
وخلصت وملصت ويت الديايه وعنفصت
اشوفكم ان شاءالله في رحلات ومغامرات أخرى بأذن الله تعالى
تصوير وتعليق دندرن HaMaD
