السلام عليكم ورحمة الله وبركاته

اليوم رحلتنا ايضا مع الصديق العزيز ابا مرزوق  بس هالمره الى فيينا تعالوا نشوف بعض الصور ونقعد نسولف وندردش .. يالله نتوكل على الله

هذيل بعض العمارات في وسط المدينه ^_^

اياباااااااه هذي خوش براحه ...  لالالا يبا هذي مو براحه ولاشي هذا قصر شنبرون

العالم مقزرينها هني مجابلين هالقصر وتجكجك من هالصور

هذيل مادري شعندهم متكودين جذي .. خو عوايدهم هناك اكيد في واحد قاعد بالوسط ومقزرها عليهم صواريخ

مادري ليش من اروح حق اوروبا .. فيينا والا باريس وهالسوالف اتذكر مسلسل الاقدار وبالذات المقطع اللي يقول ...

جان يركب حصانه ولد السلطان ... وقلبلقلبقلبلا

وتل سيـــــفه ولد السلطان  ^_^

مادري ليش من اشوف هالمناظر اتذكر المسلسل

ههههههه هذيل شعندهم قاعدين فوق السطح ؟؟

تعالوا الحين خل نروح حق سوق واجف بس مال فيينا ... ههههه مو تصدقون ترى نتغشمر

هذا السوق مالهم خو الديره كلها سوق

 شنو الشي المميز في هالعماره ؟؟

ياعمري على البجعه اللي واقفه علامة المرور

ياعيني على القعده الحلوه هني شغل عدل مدل .. والله لو تقعد سنه محد يطل بويهك لو هني ربعنا يطيحون فيك خز تقول هوشة قطاوه

نهر الدانوب .. اهم مافي الموضوع اللي قاعدين على صوب طايحين له سوالف خاثره

هذي يسمونها عجلة براتر وكانت اكبر عجله تدور في العالم ... بعدين طلعت مالت بريطانيا وصكت عليها

بس والله حلوه جنها تاير قاري  ... وحلاته اتحط فيها قوطي عصير سانكيست من ورى عشان يطلع صوت يعني قزوز سياره ... واخرتها يطلع الصوت جذي طررررررررررررررررر

ياعيني على الشجرات واللي قاعدين تحت الشجرات ... مالك أمل تشوف شي مقطوط على الزرع

عاش بوعيد لوووووول  هذا بوعيد عازف كمان ومايعرفونه الا اللي يسمعون عدني

ياعيني على القهوه والكوفي الحلو ^_^ ... انزين بعرف هذيل وين يصفطون سياراتهم؟؟  شنو الديره كلها مشي ؟؟

وسلامتكم وتعيشون وانشوفكم ان شاءالله في رحلات قادمه