الف ليله وليله من شرم الشيخ
مربتين للكل ... شلونكم شاخباركم ان شاءالله زينين ؟؟ اي زين اشوه الحمدالله
على فكره مربتين هذي مو بدليه عشان لاتقولون بعد شسمه ... المهم مانطولها عليكم وخلونا اليوم نروح حق شرم الشيخ وبالتحديد الى منطقة الهضبه ونزور الف ليله وليله .. ترى هذي مو مالت شسمه شهرزاد لأ هذا مكان اسمه ألف ليله وليله في شرم الشيخ .. طبعا احنا شالسالفه ماندري قالولنا اكو مكان اسمه جذي وروحوله فعقدنا العزم انا ورفيجي ورحنا .. والحين تعالوا نشوف شكو ماكو عندهم في هالالف ليله وليله ^_^
هني أول ماوصلنا للمكان المقصود ... الف شسمها وشسمها
طبعا كان
في استقبالنا هالشاب اللطيف واللي استقبلنا بطريقته ... اخيييييييه يسوي حق
الكاميرا اموااااااه
اهم مافي
الموضوع القلم البيك اللي في ايده
طبعا اول مادخلنا والا انشوف الاوادم يطالعون يمين يسار ... ياه اشفيهم اشصاير اشعندهم ؟؟
عاد ماكو ذبحنا الفضول الا انطالع شيطالعون ؟؟
والا لما
طالعنا وانشوف بحيرة البجع هههههه جنه صج عاد ... لاوكانت وياهم وحده مينونه بس
اتطامر بمكانها وتناقز حشا اتقول ماكله فلفل الله يكافينا الشر وياكم
المهم
كملنا داخل وخل نوصل للحوش .... ذكروني بالترفيهيه
ووصلنا
حق مكان العرض والمسرح الفرعوني مادري شنو اسمه بالضبط ... وهذا يعرض حياة الفراعنه
وشلون بنوا الاهرام وجم طابوقه حطوا وجم جيس اسميت يابوا ... ومنو بنا الصغير ومنو
بنا الكبير ومنو كسر خشم ابو الهول
فكان
مثل العرض التعريفي للأهرامات وربعها
جانب من
العرض ... بس لحظه هذيل شكو اللي ريولهم طويله بعرض الفراعنه ها ؟؟
فتّحي ياورده سكرّي ياورده ... والتعلب فات فات وفي ايدو سبع لفات .. خبز وجبن قلاص
المهم
خلصنا من العرض وقلنا بنروح اندش داخل بنشوف شعندهم خو تاريخ الاهرامات حافظينه
ماشاءالله توت عنخ امون وربعه خوفو ومنقرع وشسمها كيلو بترا ... معبودة الجماهير
هذا مدخل
الصاله الداخليه المطله على المطعم الداخلي والحوش الثاني اللي فيه بهيّه وربعها ..
طبعا تتسائلون منو بهيّه هذي ؟؟ راح تتعرفون بعد شوي على بهيّه وربعها لاتستعيلون
بس نطروا وانتوا ان شاءالله تشوفون اللي يسركم
هذا مادري منو هاللي واقف كل مادخل واحد وقف يمه يصور ...
شفيك
يالطيب ليش قاعد هني تعبت؟؟
اخاف
مصدق روحك يابوفلان قاعد بديوانية شهرزاد وربعها ؟؟
اهو قوم بس
لحظه لحظه من عطاك الحق تنساني وتروح ؟؟؟ اوبس سوري ماله شغل الرويشد بالموضوع ^_^
مو جنه الصوره اللي وراك مالت علي بابا بو قذله امدهنه والاربعين حرامي ؟؟
وهذي مو ياسمينه اللي اتصب الدهن على روس الحراميه ربع عليوي بو قذله ؟؟
عليوي بوقذله يعني علي بابا
الحين
عقب هالترييحه والروقان والقعده من الفراره .. مادري عاد شمسوين خو كلهم مترين اللي
مشينا فيهم بس الظاهر حلت لنا القعده عند هالطبليّه
المهم الحين خل نروح للحوش الثاني واللي فيه المطاعم والسوق الصغنن والمسرح الصغنن كمان وانشوف الحفله اللي كانت هناك
الحين خل
نشوف عرض ابو طبليّه مادري شيسمونه اخوانا المصريين .. هذا اللي يرقص وامعلق بوسطه
صينيّه عوده ويفتر يفتر مايدوخ
بل
عليه
عجيب المكسّر اللي لابسه ... اقول يالطيب يبيعون منه عند العماره البيضه ؟؟؟
الحين خلصنا من ابو صينيّه عوده نروح نشوف الرقصات التراثيه في مصر ^_^
طبعا كل
شوي يغيرون الدراريع اللي لابسينهم الظاهر قايم سوق كرداسه عندهم
وهني تغيرت الدراريع بعد ولبسوا اشكال والوان أخرى ... وعلى حسب وداد قلبي يابوي راح اقول للزين سلامات سلامات سلامات سلامات على حسب وداد قلبي يابوي ... وداد منو ؟؟
ماشاءالله اشطولها ... راسج يالطيبه جندسي لايحوش السقف بس
الحين عااااااااااد راح اوريكم بهيّه الحلوه .. الراقصه بهيّه احلى وحده بالدنيا العالميه
يت بهيه
تتمخطر ام السعف والليف .. لابسه هالقوملق الابيض ... اللي كل من شافها بالحفل وقف
على حيله من كثر ماجمالها يكتكت
أدري متشوقين تشوفون بهيه ... بس ترى صج عاد اسمها بهيه مادري ليش مااختاروا لها اسم اذرب شوي
بس يالله مو مشكله الجود من الموجود بعد الواحد شنو يقول ..؟؟
خلاص
الحين عاد بخليكم مع جم صوره مع الراقصه بهيّه ... شوفوا واحكموا
هذي اهيه
بهيّه ههههههههههههههه ماعليه اهمه يسمونها بهيه احنا مالنا شغل عاد ... وطول
الحفله ماعندهم الا ... يابهيه خبريني يابوي عن حال العاشقين .. والله احنا مالنا
شغل اهم حطوا هالاغنيه واستانسوا عليها الموجودين ... اهو بس مالت على بهيه وربعها
الطيب
يؤدي رقصته باتقان تااااام ... بس والله عاد سوالنا جو حلو ... كان نكته ولد الحلال
شوي يسار وشوي يمين
هههههههههه جنه اطلعوا الله يحسن جزاهم ها ؟؟؟
ولييييييييييه استنزل ابن الناس ..يالله مو مشكله دام على بهيه بيستنزل بعد هانت السالفه ...
المهم خلصنا من بو بهيّه
شوي والا شيــــر يمشــــــــــــــــي
احبال تطيــــــــــــــــــــــــــــــــــــــر
قراطيـــــــــــــــــــــــــــــــــــــــــــس
اغبره من كل صووووووووووووب
اوله اوله اوله شنو شصاير بالدنيا ؟
شوي والا قلبا قلباااراطااااااااااااااخ
والا شنو ؟؟؟
الساحر الساحـــــــــــــــــــــــر
والا الساحـــــر ياااااااااااااي ... وليـــــــــــه عاد ليش جذي يامعود
هههههه هذيل شقاعدين يسوون ؟؟
افا هذي اخرتها اتكسرون بطول ؟؟؟
ذكرونا في أيام المحولات قبل لما الربع يكسرون بطول وينحاشون انزين كسرت البطل شكو تنحاش عاد ؟؟
مويقولك
يخاف يصيدونه بعدين يتولونه طق ليــــن يطيح حظه
اهاااااا
عرفنا ليش مكسرين بطول عشان هالقوي هذا يوقف عليهم
...
يه يه يه كشخه والله صفقوله طلع مو هيّن هالقصاصه
وليـــه هذي منو بعد ؟؟ لايكون بنت الخباز اللي خطفها الساحر ؟؟
افا بس
افا ماهقيتها منك يازبوط النقعه ... اخرتها داسوا ببطنك ؟؟؟
وياي على اولك وتنافخ بهالنار وتكسر جزاز عند المحولات واخرتها جذي ؟؟
يالله
ماعليه مايكسر شوكة الشسمه غير بنت الخباز
اي حيـــل حيل يابنت الخباز دوسي بعد ... اهو حيل على السره ياعلج بعد هالقصاصه واهله
المهم الحين خلصوا النمر ملوتهم ... الحين عاد العالم مايبون يروحون بيوتهم تو الناس خو ... وكانت عقارب الساعه تشير الى الواحده ليلا ... شيسوون شيسوون فكروا فكروا
جااااااااااااان
يقلبونها
سمردح ... بس على الخفيف يعني مو وايد
واختلط اعوير وازوير والمنكسر واللي مافيه خير
يعني انا بعرف الحين هذي رقصه يابو الشباب ؟؟؟
زانطها من رقبتها على ابو انك ترقص وياها ؟؟
يبا ماسوت عليج هالرقصه يامعوده ... تركيه اهو وخري عنه يبا هذا مو صاحي بيطلع حرة مادري منو فيج ههههههههههههههههههههههه
عاد احنا ماطولنا خليناهم يطامرون ياعل يطامر عليهم الشسمه ومشينا ردينا فندقنا خو نبي ننام بعد لي متى نقعد يعني ؟؟
بس بصراحه مكان ولااروع حده حلو ^_^
انصحكم في
شرم الشيخ اللي يبي الوناسه وعلى فكره ترى مو غاليه ارخيصه
وبجذي خلصنا رحلة ألف ليله وليله في شرم الشيخ انشوفكم ان شاءالله في الرحلات القادمه
ترقبوا دندرن وصديقه في رحلة الغوص للشعب المرجانيه من أعماق البحر في شرم الشيخ
ترن ترن
... سيكشن ثيرتي ون ترن ترن
تصوير وتعليق أخوكم دندرن HaMaD