محمية ومنتزه العرين

السلام عليكم ورحمة الله وبركاته

في احدى ليالي شهر 6 من هذا العام 2009 قررنا انا واحد الزملاء ان نغير من روتين الحياة اليومي المعتاد لدى الغالبيه فـ جك بم قررنا نروح البحرين بو يومين عالطاير ونرجع ومن كثر ما اهو مالنا خلق حجزنا طياره ولا واحد فينا له خلق يسوق مع ان المسافه مو بعيده من الكويت للبحرين 4 ساعات ونص تقريبا والا انت واصل ولله الحمد تم الحجز والطيران الى مملكة البحرين الشقيقه ووصلنا بحمد الله ورعايته ورحنا فندقنا اللي حجزناه من الكويت واول ماوصلنا قعدنا نطالع مباراة ... رايحين البحرين عشان تقعدون بالفندق تطالعون مباراة ؟؟ حلو حلو يعطينا العافيه الصراحه ... المهم عاد بعدها قلنا باجر وين نروح ؟؟ فاقترحت على زميلي ان نروح الى منتزه ومحمية العرين ... نقول شوية معلومات عن المحميه

السعر من مجمع السيف الى المحميه بالتاكسي على حسب العداد تقريبا 8.5 دنانير

نصيحه اذا وصلتوا هناك امنوا رجعتكم يعني اتفقوا مع صاحب التاكسي انه ينطركم او يروح ويرجع لكم لأنه المنطقه تقريبا مقطوعه وما يكون فيها تكاسي

اسعار التذاكر الكبار دينار واحد فقط ... اقل من 12 سنه نص دينار ... اقل من 3 سنوات بالمجان

تشاهد في المنتزه 40 نوع من الحيوانات و70 نوع من الطيور و80 نوع من النباتات البريه وهذي خريطه لمملكة البحرين توضح مكان المحميه

والحين نوصل للمحميه ونتوكل على الله وندش

يازين القعده تحت هالمظله وتشرب شوية لبن وحروره هالشمس على راسك ... اعتقد الواحد ينتهي ويخدر ويتمغط مافيه شده يتحرك

ها يالزميل جنك صاير منهم شعليك وراك هالبحيره والبط يحوم حواليك

دام السالفه فيها بط يالله خنشوف شوية بط

نسيت النوم واحلاموو ... نسيت لياليه واياموو

بعيد عنك .. حياتي عزااااب ماتبعدنيش بعيد عنك تريرررم

ماليش غير الدموع احباب .. معاها بعيش بعيد عنك تريرررم

وراك وراك وراك مطرح ماتروح وراك

اي قاعده تتنظف وتتزقرت عدل .. حق منو ها ؟؟

حقابلوه بكره وبعد بكره وبعد بعدوه أئولووه بكره حقابلوه حقابلوووه بكره

وليش عاد متعبه روحج انتي كل يوم تقابلينه في البحيره ماله داعي التزقرت

يالله نطلع شوي من البحيره ونروح للبر

ياسلام عليك ياسفينة الصحراء ... عز ومهابه في عز هالحر

ونروح ونركب الباص عشان يفتر داخل المحميه ويوجد داخل الباص مرشد يقولك عن اللي بتشوفه بالمحميه من طيور وحيوانات عزكم الله

وهذا اهو الحبيب اللي يسوق الباص واهو المرشد ويشرح طول الرحله للركاب باللغتين العربيه والانجليزيه .. يعطيه العافيه

ونشوف الزرافه ... واهيه شوي وتدخل راسها علينا داخل الباص

ونروح نشوف النعام

يالله خل نرجعكم شوي لي ورا مع هالمقطع ... اضغـــــط

وعدتيني اذا دار الزمن فينا واذا درب الهوى تعثر

شوفوا الوعد هني ... اضغط

ماشاءالله خوش بيض مال النعام ... بيضه وحده مع صندوق طماط تعزم الفريج عليها

جلب السلوقي ... يقول والعهده على المرشد اللي معانا انه اسرع حيوان من بعد الفهد ... واضيف شوية معلومات عنه

تصل سرعته 80 كيلو متر بالساعه وهو اطول نفس من الفهد

الغزلان

مايبيله بعد مكتوب الاسم

ها وين قرنك الثاني يالقرن ؟ متهاوش مع منو ونايم فيك ؟؟

تخيل هالمجموعتين هذيل اللي بالصوره اللي فوق واللي تحت

تخيل جذي يحاوطون لهم واحد بينامون فيه تتخيل شراح يبقى بجسمه ماينقض ؟؟

يصير صيخ شاورما يمكن

واقف على على بابكم ولهان ومسير

اسأل على اللي سأل محبوبي الصغير

اضغط

يالله سترك ناطر شي يالحبيب ؟؟

نروح الحين حق البحيره الخاصه بالطيور

عاد مكتوب لافته الرجاء عدم التسلق بس الحبايب هذا وولده طنشوا السالفه ولاجنهم شافوا .. زين بالله تكرفست من فوق وانكسرت ريلك ... تعالوا عوضوني ؟؟

يالله ماكو تعويض اهو توكل بس

سيقان في الوحل

عاش عنتر زمانه .. مادري شكله يقول جذي اهو المستسبع فيهم

مادري شالحكمه من الوقفه على ريل وحده ماشاءالله لياقه مايتعبون

وليـــه شسالفتك انت بعد مالقيت الا هالمسيجينه تقعد فوقها ؟؟

ليش يامحبوب عن عيني تغيب ... شالسبب صديت وابديت الغياب ... ياخي ليش البط حالتهم تكسر الخاطر

خدعوها بقولهم حسناااااء والغواني يغرهن الثناء

ياظلمه

شوفوا المزاج تحكي حال البطه المسكينه

كبسة زر هني وتشوف المزاج

الطريق الى الهاويه ... يامعوده لاتنتحرين قعدي الدنيا ماتسوى

داش عرض مادري شاللي يابه وحطه بالمحميه عند مال الطيور ... يخرب بيت عدوج على هاللون الخايس اعنبوا دارج لي هالدرجه ؟؟

بس كافي لاتعليق الباجي لكم

ياعيني ياعيني شو هالجمال هيدا كتير مهضوم

نظرة فابتسامة فسلاااااام ... فكلام فموعد فلقااااااء

درب الزلق

مادري ليش تذكرت ايام الفن الحلو .... اضغط هني وشوف

ومن بعد هالحر والغيله مالك الا تدور اقرب حمام تتشطف شوي

اياباااااااااااااااه بس لو مستوي جان اويلاه

التيس ينطح سبوقي يصلح

اضغطني

الوجبه المفضله لدى الصخول ... القراطيس بعد مايبيله

ياعمري عالوقفه

هذا اللي يسمونه يتهاوش مع روحه اذا مالقى احد يتهاوش معاه

مو صج

هذا صج

عطني نظره من حنانك او تعطف علي يازين

غابه من السيقان

اختلط الحابل بالنابل ... على الاكل

والله مادري اهو نسر اهو عقاب المهم طير جارح وبس ومن بعد هالطير الجارح

استودعكم الله الذي لاتضيع ودائعه واشوفكم ان شاءالله في صحه وعافيه في مواضيع ورحلات قادمه