السلام عليكم ورحمة الله وبركاته

اليوم نتابع رحلتنا الدندرنيه ونروح حق الاهرامات ونشوف شنو يصير وشنو نقدر نشوف هناك ونشوف العم عز والخيول ملوته اللي عند الهرم :)

هني بداية الوصول للأهرامات ... معلومه فقط ... الاهرامات احدى عجائب الدنيا السبع اللي بقوا ليما الحين اما الست الباجين اندثروا مايندرى اشصار عليهم :)

وهني الاهرامات من زاويه أخرى من فوق الجبل ههههههه ياعيني على جمالك يامصر

طبعا اول ماصعدنا الجبل والا انشوف اكو سوق فوق الجبل

منظر عام للسوق الجبلي

جميع ماتود ان تشتريه من تحف وغتر وشمغ تجده في هذا السوق كـــــــل شي ^_^

اهااااااا طحنا عليج قاعده اتصورينا؟؟ :P

يالله مو مشكله اتصورينا احنا انصورج بعد خو مافيها شي ... تبادل الصور كالنقش في الحجر

بو عنتر بس النسخه الانجليزيه .. باطل

هههههههههه ياقوي والله ;)

هذا صديقي اللي معاي بالرحله اعز اصدجائي ... صديج يعني صديق هههههههه :P~

واللي يمه قاعد يطالع ويقول اي في أيه ... مين شمشون الجبار هنا ؟؟ ياخرااااااااااابي يانهار مش زي بعضوه

اخييييييييه يابو فلان اثاريك ماانت هين والله ... شوفوا شلون حاط ايده على الهرم ... مو اقولكم شمشون الجبار ماتصدقوني

اقول استريح بس :S

خلونا الحين نروح ونشوف العم عز وخيوله ونركب الحصن ملوته ونروح ننزل عند ابو الهول والاهرامات

العم عز ... شخصيه ظريفه جدا متعدد المواهب :)

فهو مصوراتي درجه اولى ومعلم لركوب الخيل بدرجه ممتازه :)

عجيب امبطل الزراير ... اشدعوه حسين فهمي الحين :)

اهوه عقب مايركبكم الخيول وجذي راح يصلخكم بالسعر فانتوا لاتردون عليه عطوه اللي تقدرون عليه وبس ... يعني تخيلوا اهوه قالنا يبي 340 جنيه عطيناه 50 جنيه ورضى بالامر الواقع لأنه هذا السعر الاصلي بس يقولك موسم ويبي يقزرها علينا بو الشباب بس على مين ^_^

يعني والله شغل عدل تركب كريته وحصانين بـ 50 جنيه شغل عدل الصراحه 

الكريته بتاعت العم عز ويبدو صديقي راكب وصديقنا سائق التاكس يهم بركوب الكريته

العم عز امسمي الحصان اللي يقود الكريته عزيزه ... امشي ياعزيزه ماتفضحيناش ياعزيزه

المهم طقينا فره بالكريته وردينا الحين عاد نبي نركب الخيول

وركبنا الخيول ونزلنا عند ابو الهول

دندرن وصديقه على ظهر الخيول .... شدعوه الحين عنتر والزير سالم ؟؟

بس والله خوش شي ترى انصحكم في ركوب الخيل ترى زينه اتحس ياخي جنك طاير ومبسوووط أوي وخصوصا الخيول ملوت الهرم :)

عاد من عقب مانزلنا من الخيول لين ردينا الكويت واحنا ظهورنا شاده من العوار لوووووووووول اهو بس الظهر ؟؟ :S  لاوالله الا اشياء ثانيه بعد ههههههههههه ... ايه لأنه ماكو لياقه  ^_^ واكيد اللي راكب خيل من قبل راح يعرف ليش ظهره يعوره عقب ماينزل

صديقي ممتطيا الحصان العجيب  .....  هههههههههههه اشفيك زانط الحصان جذي بو فلان هونها عليه يامعوده لايموت بيدك لوووووووووول مسكين قام يكح الحصان من الخنقه

تعالوا الحين نروح وننزل عند الاهرامات ونقرب منها

منظر للهرم عن قرب وهذي فتحة الهرم اللي يدشون منها الاوادم حق داخل الهرم

وصعدنا الى فوق الهرم عشان انشوف العالم من فوق ياسلاااااااااااام كان الجو بديع والدنيا ربيع وقفلي على كل المواضيع قفل قفل قفــــــــــل

مافيناش كاني ومافيناش ماني كاني ماني أيه الدنيا ربيع الدنيا ربيع الدنيا ربيع

هههههههههههههه خوش جو بديع الصراحه ... مخك ياالحبيب لايطلع بسك يامعود شوي شوي لااتفكر وايد ترى مو زين

اخييييييييييييه ^_^

دندرن يهم بالنزول من فوق الهرم بعد ان جلس جلسة استرخاء متأملا الاجواء الحلوه والعجيبه من فوق الهرم بس والله الطريج من فوق الهرم لي تحت وايد طويل درب على ماتنزل اوف

بس والله شي عدل تلاقي اللي منسدحين على الصخور ويقصون قصص حب ورومانسيه مثل الاثنين اللي على الطرف وحده قاعده اتقص قصه والحبيب نايم بسابع نومه مو داري عن هوى ام اللي يابوها والاثنين هذيل اللي بالويه قاعدين يطلعون الاكل يبون ياكلون يواعه مساكين

وبجذي انتهت رحلتنا حق الاهرامات وللقاهره وانشوفكم ان شاءالله في الرحلات القادمه من شرم الشيخ فانتظرونا فالقادم مذهل اكثر ^_^