مهرجان الأحمدي يعتبر من انجح واحلى المهرجانات اللي تصير عندنا بالكويت وفي هالسنه ماشاءالله عليهم محافظة الأحمدي وشركة نفط الكويت قاموا بعمل جبار لاخراج هالمهرجان واللي كان على مدار 3 ايام بشكل جميل جدا … فـ يالله يالله نروح حق منطقة الأحمدي ونشوف بعض من فعالياتها

لعبة النط بالحبل … هذيل يصعدون الاوادم فوق برج ويربطون نفسهم بحبال ويقطونهم من فوق لي تحت

وين الجواتي يايبا عسى ماطاحوا على الاوادم بس ؟؟

درب درب وخروا وخروا .. جاكم نهاش سبع الليل

تعالوا الحين نشوف ربع السياكل واللي يطمرون من فوق التلال والمرتفعات ويسوون حركات بهلوانيه

تمسك تمسك عدل لايفلت السيكل … وجكجكجكجكجكجك

خوش والله الراس وصل لي المدقر

ها وين رايح يالطيب ؟؟ خلاص هونت تبي تنزل من السيكل ؟؟ :p

لا انزل تكفى بليز انزل طالبك تنزل

عااااااااااان لحظه الهبوط على اليابسه

انزين بالله افلتت ايدينه من السيكل شيكون موقفه ؟؟

استريحوا بس يعني مغامرات هالبنات الحين .. والله لو ماتضبط اعدادات النطه عدل جني اشوف كل راس وحده فيكم بصوب

زين يامعودين الله ستر وبلاش من الحركات القرعه دي مره تانيه

بس خوش نطه الصراحه ^_^

اشفيه تشنقل ؟؟؟

احلف بس ؟؟ زين مبروك خوش عرض منكم شباب وشابات :p

الحبيب هذا اخاف بيقلد اصحاب السياكل ؟؟؟ ههههه

يالله تعالوا نشوف عروض الفرقه الموسيقيه

حلاتها على هالدقدقه يغني سامريات … اتصير سامريات مع جيتار ؟؟

هىهىهىهىهىهى

ايا اللي ماتستحي جدام الاوادم عاد ؟؟ شنو نزل عليك الالهام عشان اتفكر بهالطريقه وبهالوقت هذا بالذات ؟؟

والحين عرض القوات المسلحه الجويه في السماء

الوان علم الكويت بالسما … عسى الله يحفظكم

والحين عروض المنطاد … هذيل فريق مادري من وين ياييبينهم يسوون عروض بسيطه من المنطاد

بداية تشغيل المنطاد … بيــــه شدعوه عليكم كل هذيل على تشغيل المنطاد ؟؟ لا بس ترى صج يبيله شغل ^_^

جان ينتفخ نعمان 😀

وطار المنطاد بالسما العالي .. شكله يونس واهوه فوق

وهذا اول واحد جفت هههههههه مادري اهو خثع والا زلق مادري شفيه … او يمكن دزوه يبون الفكه منه

الحبيب طلع رواسي

اشفيييييييييك ياحظي الا على الراس تنزل يعني ؟؟

يذكرني بالرجل العنكبوت 😀 مو جنها وقفته لما يوقف على الطوف ؟؟

شاخباري قديـــــــم

واويلاه لو ينقص الحبل نياهاهاهاهاها

ممممممممممممم تدرون عاد خوش مغامره ترى طق براسي الا اركب المنطاد واصور من فوق يالله عاش دندرن فوقه

وشبوا النار عشان نتأهب للصعود مره ثانيه للمنطاد وانا وياهم

وطار فينا المنطاد ….

الناسات قاعدين في ساحات المهرجان الجانبيه

صوروا صوروا يالربع …

فكره الواحد يسافر مره بالمنطاد ويعبر بحور ووديان … بس عاد مو هني روح اوروبا والا دول شرق اسيا واركب منطاد وسافر تشوف مناظر مو طبيعيه أخيـــــه

وصار الليل وشبت زينة الأحمدي يقولك شي ثاني الأحمدي بالليل

بوابه مزينه بالليتات

هذا عنب والا شنو بالضبط ؟؟

دوار بوسط البلد

بوابة الأحمدي

ومع السلامه اشوفكم على خير في سوالف ثانيه

ويعطيهم العافيه جميع القائمين على المهرجان الحلو هذا

تصوير وتعليق دندرن