السلام عليكم ورحمة الله وبركاته

شرايكم انكمل رحلتنا في ربوع تايلند وبالتحديد في بوكيت مع شقيقي وصديقي ناصر وابنه بدر  اليوم راح نفتر ونحوس فيها لين يطيح وينهد حيلنا اوكي ياشباب وشابات ؟؟

يالله ....

توجد في جزيرة بوكيت شواطئ جميله وخلابه تسر الناظرين خلونا نشوف ..

بالضبط يذكرني بشاطئ الشويخ ^_^

ياعيني على الاجواء كل شي تلاقي على يال البحر ... اوادم .. جلاب عزكم الله ..شماسي مع اني ماشوف شمس بالمكان ... يمكن حق المطر   ههههههههه عيل حق شنو بالله ؟؟

ونخلص من شاطئ البحر ونفتر داخل الجزيره ... ونشوف هالكشك

هالكشك سلمكم الله واللي تبيع فيه حدهم شياطين ... كل شي عندهم كروت انترنت كروت اتصالات دوليه .. قواطي بيبسي .. علوج .. سندويتشات .. صور فوتوغرافيه .. ديفيديات .. بنت الشقول مو مخليه شي ماتبيعه ^_^

شرايكم فيكم عشا ؟؟ تعالوا خل نروح حق مطعم غريب عجيب .. خل نشوفه وبعدين نعلق عليه

ماشاءالله اللجنة الأولمبيه الآسيويه مو مطعم هههههه

وعيالة الذين مسوين جو حق الخليجيين عشان اييون يتعشون منه ^_^

يالله نتعشى وباجر نكمل رحلتنا حق جزيرة جيمس بوند

تفضلوا على عشاكم ؟؟

الله يعافيكم

وفي الصباح الباكر قعدنا من نومنا مستيقضين .. اكيد مستيقضين عيل قعدنا من نومنا نايمين يعني ؟

عاد هالديره اكثر مافيها الفيله .. وين ماتمشي تشوف فيله تقول قطاوه .. والا بدران كل ماشاف فيل الا يوكله

ومشينا رايحين في مركب لجزيرة جيمس بوند ونشوف بعض المناظر

هذا احد المساجد اللي ظلت صامده سبحان الله من بعد زلزال تسونامي واللي حوالينه هذيل مطاعم شرقيه ... بس ترى خوش مطاعم صدقوني ذبح اسلامي وشغل حلو J

ماشاءالله على هالمنظر خوش جبل جنها جبال كاظمه عندنا .. خير ان شاءالله

وبدانا في الدخول الى المغارات والانفاق المائيه ترم ترررررررم

وفي وسط الغابات البحريه هم بعد ترم تررررررررم <== مؤثر صوتي يدل على الشيئ المفاجئ

والكهوف المائيه ... هم بعد ترم تررررررررررم

وبعدين جان نطلع لنرى النور .... هههههههه وهذي اهيه صخرة جيمس بوند

بو بدر وابنه بدر يصورون جدام الصخره .. شيل الجنطه يابو بدر

المهم خلصنا من صخرة جيمسوو بوندوو خل نروح نفتر في ارجاء بوكيت

بدران شايل أم الربيان بيده في المرسى بعد العوده من جيمس بوند صوب المطاعم اللي ذكرناهم يم المسجد اللي ماانهدم من زلزال تسونامي ^_^  صارت قصه طويله ها ؟؟ يالله ميخالف عادي عادي

هني بدران وابوه مصورين يم الشاذي مال هالشاب اللطيف اللي واقف يمهم الله يغربل بليسه طلع ريّال ياعله شقول الحين   يسولفون معاه طول هالفتره عبالهم وحده واخرتها طلع واحد يعني الويه ويه ناديه لطفي والصوت صوت متولي مالت على وقفتك الخايسه

خنوديكم حق احد المعابد اللي في بوكيت

هذيل حراس المعبد ... يحليل حراسهم شواذي ... اسم على مسمى

وندش داخل المعبد الظلمه

هذيل قاعدين

وهذا منسدح بو الشباب .. مو ناقصك الا جاي وشوية حب وتطالع مباراة

يالله بس خلاص ماكو شي بالمعبد من زينه عاد

ها يبه وين رايحه ؟؟ الحين سؤال هذي يعني السلّه اللي يشيلون اغراضهم فيها ؟؟ اعنبوا دارهم ماتعورهم جتوفهم ؟؟

ماشاءالله كل شي حاطه في السلال كرسي وبطاط ومادري شنو

هذيل تأجير السياكل ... طبعا هناك كل شي يأجرون حتى لو تبي طقطاقي يأجرونك عادي

امشوا حديقة الحيوان يالله

وخلونا نشوف عارض الحيايا ...

هذا اهو ابو فرق جنان مروض الحيايا ياخراشي على فرقه

وهذا اللي يلعب مع التماسيح هىهىهىهى يازينك لو يسكر على صماخك بشوف شلون تطلع

هني بدران مع الشاذيه العوده ... يازين شواذيهم مايقولون شي لو عندنا هني جان هواش مع اللي يوقف يمه وتكفخ وتسطّر وقتلى وجرحى

احم .. حشا بعير مو نمر .. ايخسي اشكبره ولك راسه اكبر من جسم بدر وابوه

يالله بس خلاص من حديقة الحيوان خنروح حق الفانتاسي وورد

ممممممممممممم ماكو شي نروح عليه ماكو شي مممممممممممممم

جنه اكو توك توك على كتر

ياعيني ياالأصفر .. الريال اطول من سيارته ههههههه اهم شي ناشر الغسيل بره السياره من الرطوبه مو منه والله ^_^

ووصلنا الفانتاسي وورد

خوش سمك والله وخوش حوض بعد .. سمكهم خبل مو صاحي بس من اتقط اكل لهم كل وحده بطلت حلجها ويتلك تركض .. ذلفوا مناك وثول

خنشوف شوية عروض عندهم

عيال الذين كلهم يتشابهون ماتفرق وين فلانه من علانه كلهم نفس الطقه

وبجذي يبا خلصت رحلتنا الظريفه مع البطل بدران وابوه الوالي بو شجاع هههههههه في ربوع تايلند انشوفكم ان شاءالله في رحلات ثانيه باذن الله

مع السلامه