السلام عليكم ورحمة الله وبركاته
معارك طاحنه تدور في بعض الاماكن الغير مأهوله بالسكان ... ليش ولماذا واشحقه هذا كله عشان محد يتعور ... بس انك تشوف معارك من نوع آخر وتأهب واستعدادات عنيفه يندى لها الجبين هني تستغرب ليش واشحقه ولماذا كل هذا الاستعداد على مثل هالأمور ... بتشوفون ان شاءالله ليش ولماذا واشحقه كل هذه الاستعدادات الطاحنه العنيفه
شايل سلاحه ورايح يدور مكان للاستعداد للمعركه
ممممممم الظاهر ناويه تركب فوق هالبرج عشان يكون الوضع اوكي
للمعركه 
خذيت وضعك يالحبيب ؟؟
منخش ورى ساتر ترابي
جاهز يابطل ؟؟
وانتي بعد اعتقد انج مستعده
عاشوا الشقرديه ... كل واحد متزهب وماخذ مكانه على اكمل وجه
جاهز ؟؟ أرمــــــي
اتهقون على شنو كل هالاستعداد ؟؟
كل هذا عشان هالشباب الطيبين بيتسابقون ... وانطلق السباق اللي جرا على حلبة جابر الأحمد الدوليه على طريق الدائري السادس بمشاركة بعض الأخوان من مملكة البحرين الشقيقه
انسمي بسم الله الرحمن وننطلق معاهم
وبداية السباق نطّه ... هووووووووووووووب
الحبيب ناسي انه سباق منو اللي يطلع الأول بالاخير وقاعد يوّيل
أح آوج أح آوج أح آوج يالله سترك صاعد ونازل يااااو الله يعينه
على هالمطامر ... والله رياضه صعبه ياجماعه ماتسوى ترى
وهذا أول الغيث طيحه
اللي بعدوووو ... شكلها طيحته قشره جفت على ويهه
الثالث ... وخروا ياشباب خلوه يقوم يحاول يلحق الركب اللي راحوا
عنه
نصيحه اللي بيصور بعدين لايوقف يمهم عند المنحنيات لاياكل مثل
اللي انا كليته من رمل وطين وغيله ولويه اللي خلتني نص ساعه انظف بالكاميرا
عادي يبا فداااااءا للتصوير
عننننننننننن <=== مؤثر صوتي يدل على صوت اقزوز السيكل
موشي تقحيصتك اللي قبلك احسن
الحق لاتلحق يوووووبا يالله الشاطر اللي يصيد الثاني بالأخير
أرمــي ... طش طش
سووووقه ... طرباخ
سدد رميك يابو فهد
ونننننننننننننننن <==== ايضا مئثر صوتي يدل على انه السيكل طاير بالهوى
طيحتكم مو شي ياشباب عسى الله يستر عليكم ويحفظكم ... سوقوا عدل وتركدوا بالطبّه عشان مالنا خلق اصابات
الا صلاتي ... ناخذ بريك ونكمل بعد الصلاة
لايلهيكم اي شي عن الصلاة ياجماعه حتى لو شنو يصير
ورجعنا لكم بعلامة النصر مع هالشاب اللطيف ... يا ابن الحلال تو
الناس على السباق لاتستعيل على رزقك
فووووووق فوق هام السيارات
هالثور الحمر بكل مكان موجود ماشاءالله عليهم شغالين
صيده عذب حبيبه
هذا سلمكم قاعد يصور من تحت السيكل
اوله اوله يالدفنه يالنحيس ليش تغبر على ربعك كل هذا عشان
ماتبيهم يفوزون يعني ؟؟
انت اي مغسله صافي يبيلك اي مصبغه دراي كلين تنفع ... مايفيدك الا تحذف عمرك انت والسيكل بوسط البحر يمكن تروح هالغيله اللي انت فيها
يالله ياشباب السبأ راح يخلص ( السبأ يعني السباق بس باللبناني )
هيا صارت جكجكجكجكجكجكجكجك فاز بالسباق مبروك
السباق خلص والعالم بيروحون بيوتهم وهذيل للحين
يحوسون يدورون الدخله حق الحلبه
يبا خلاص روحوا بيوتكم مشكورين وماقصرتوا صوتكم وصل
ومشكورين لمتابعتكم ومشاهدتكم الممتعه واخليكم الحين واشوفكم بعدين
والسلام عليكم ورحمة الله وبركاته
محدثكم من قلب الحدث ... دندرن