السلام عليكم ورحمة الله وبركاته
عندما يتذكر المرء تلك الايام الخوالي وتعود به الذاكره إلى أيام جميله تسطع في جبين الذكريات .. رحله الى القاهره وتحديدا لمتحفها العامر اللي يصير ورى فندق هيلتون رمسيس طبعا لازم اذا بتروح للمتحف تمر من تحت الجسر اللي بين المتحف والفندق وياويلك عاد اذا مريت من تحت الجسر اكيد اللي مروا من تحت الجسر يعرفون ليش
المهم تروح وتلاقي هالزحمه اللي مادري شلون صايره وتدخل البوابه عشان تدش المتحف وتفتيش ولويه والمشكله على جم احصمه مفلشّه
وياعيني على جمالك يامتحف ... يالله سموا بسم الله بندخل
اول مايطلع بويهك الحبيب هذا ... عاد منو اهو مادري ياتوت عنخ امون او واحد يصيرله
عاد ماشاءالله ملوك مصر القديمين شكثرهم يبيلهم موسوعه الواحد يتكلم عنهم من كثرهم ويالله يالله تتذكر منهم احد ... طبعا اللي اعرفه الاثار الموجوده بالمتحف اكو منها الشي الكثير لازال موجود بمتحف اللوفر في باريس للحين مارجعوهم هذا حسب اللي وصلني وبالفعل شفت في متحف اللوفر تحف مصريه قديمه لازالت موجوده هناك
يالله ناقص بعد رفيجي اللي معاي يوقف معاهم ونسوي فريق صالات انسميه فريق الصلعان
وعاشوا الشباب
ها مستانس واقف يم هالحبيب ؟؟
ماندري اهو حصان اهو شي ثاني عزكم الله المهم حيوان
فيها شبه من الصينيين
مادري اذا كانت بالفعل اصابع ايدينهم اللي قبل جذي والا يتغشمرون هذا كف واحد منه يخربط مواعين الويه
هذا سلمكم الله الجزء السفلي لتابوت الملك اخناتون .. ويقولكم الخبر انهم لقوا على هالشرايط الذهبيه في وادي الملوك سنة 1907 ونقلوها الى مخازن المتحف المصري عشان يرممونها لكنها اختفت مابين عامي 1915 و1931 ولقوها في اواخر السبعينات في السوق السويسري ... وفي الثمانينات قام المتحف المصري في ميونخ ولاية بافاريا بدراستها وبعد عدة محاولات رمموها على جسم من البليكس جلاس واعرضوها في ميونخ للجمهور اول مره في شهر 10 سنة 2001 وبعد مباحثات طويله بين وزارة الثقافه المصريه وسلطات ولاية بافاريا اتفقوا انهم يرجعونها لمصر
وسلامتكم وتعيشون
تابوت
ماعرفه
قلاده فرعونيه قديمه
باجي تمثال مكسر مايندرى وين باجيّه ... لا ايدين لا ريول يالله العوض ولا القطيعه
وبجذي انتهت رحلتنا للمتحف المصري وسامحونا على هالرحله القصيره داخل المتحف واشوفكم ان شاءالله بعدين
فمان الله