السلام عليكم ورحمة الله وبركاته
من فتره ليست بالطويله ولا القصيره اقيمت على صالة جامعة الخليج مباراة في البوسابول بين فريق الجامعه وفريق اسباني
طبعا هاللعبه اللي مايعرفها اهي عبارة عن شي مثل النطاطيه ويطامرون عليها بيديهم وريولهم ويلعبون اهي كرة طائره اهي كرة قدم كرة راس اي شي تطوله بجسمك العب الكره فيه تقريبا قوانينها نفس قوانين لعبة كرة الطائره 3 اشواط والناجح يرفع ايده
وهذا الملعب اللي قلتلكم عليه ... جني اشوفه باجر حاطينه عالبحر وتأجير الساعه بخمستعش دينار والحسابه بتحسب ^_^
والحين نروح حق تقديم لاعبين اسبانيا وطريقتهم في التعبير عن عرض انفسهم بالملعب
ياصبحا هاتي الصينيه ... صبي الشاي ليكي وليّه ... صارت دبكه لبنانيه مو لعب
استغفر الله علامك يالطيب
دور دور ابن الدردور اللي ذبح بقه وترس سبعة جدور
عاد رواسي الله يهديك ؟؟ ليش شالله حادك يعني تطب على راسك لاتنكسر رقبتك ويبتلشون فيك الاوادم
وابتدا اللعب سيداتي انساتي سادتي وضربه ساحقه من اللاعب رقم سبعه
بطرف اصابعه اسم الله عليه
وجبسه ثانيه ... وليـــــه شكلهم شلخوا ربعنا
ههههههههههه عسى ماشر يالحبيب هذي شيسمونها اللعبه ؟؟ الضربه المزدوجه مالت حميدو شامل والا ضربة كيم سانتوس؟؟
ايـــــــــــــــه الله يذكركم
بالخير يا ابطال الملاعب ... الكبر شين
ويتشغلب ويتدحرج ويتفرفر وراسه
ماعوره ماشاءالله واخرها يت اسقاط على ربعنا
وليه ماصارت جبسات علينا ... يالربع علامكم يافريق الجامعه
يفكر بالنتيجه ويقول لازم نسوي شي مو حاله هذي شلخونا هالحمران
يهدي ربعه ويقولهم ياجماعه هدوا هدوا ترى ماكو شي اهمه احنا نقدر عليهم بس يبيلنا شوية تركيز يالربع
واشتغلوا ربعنا من بعد هالتركيز ... واديلوووووو
ارفع .... وهوووووب اكبس
عاشوا الشباب عدل عدل اي جذي
عليهم عليهم ... عليهم عليهم
ايــــــــه مغطوه اكثر
السانك يالطيب
هووووب تكرفس لي ورا
ويصدها بطلنا الهمام ... اي بعد بعد
جان تطق بالشبك ... ويك ويك ويك
وعصبوا الشباب عصبوا الشباب
جان يحوشه شد عضلي بجتفه .... تبي
ندق على ثلاث سبعات ؟؟ 
ياجماعه لاتخلونه طلعوا معاه بلوك بلوك ياشبااااااااب
اي جذي عدل عدل
هذا وين تكرفس يالله تغربل بليسه
بس في الأخير ماكو فايده فازوا الاسبان .. خو بعد يعطيهم العافيه ربعنا على اخر شي يالله شدوا حيلهم جود الاسبانيين فارقين وماخذين راحتهم
عاد يقولون والعهده على الراوي انه مشاركين ببطولات عالميه صج جذب الله اعلم
وربعنا اول مره يلعبون مع بعض بس زين منهم يالله يعطيهم العافيه
وخذوا الكاس
وطاح غطا الكاس ومتحسف على بطل الماي مو راضي يهده
اي هده خو لاحق عالماي يامعود لأخر قطره في يده فضّل الماي على الكاس
جان يرقعها الأخ الثاني
... يلبسه على راسه 
يمدحون مكاين جيليت للحلاقه بو ثلاث شفرات ... ترى وايد زينه
وقواكم الله ويعطيكم العافيه وماقصرتوا متعتونا الصراحه
ونشوفكم ان شاءالله في لعبات ثانيه
فمان الله
31/7/2008