في بداية فصل الشتاء هذا العام ... اللهم لك الحمد طقت علينا خوش مطره انقعت على اثرها الارض وشبعت ماي اللهم لك الحمد والشكر على نعمتك يارب وبما انه الامطار هي نعمه من نعم رب العالمين سبحانه تعالوا اوريكم شوية خباري من العبدلي انقعت بعد طقة المطر ... اللي في بداية فصل الشتاء هذا العام 2009
لا اله الا الله
لاتقرب تقعد بمكانك دير بالك يالطيب
لاااااا هذا اللي ما اتفقنا عليه
يقولون اصحاب الخبره في
الكشتات وطلعات البر والتخييم انه الواحد اذا بيسوي مخيم لازم يعاين الارض قبل
لايحط خيامه عشان سبحان الله طقت عليه مثل هالمطره مايتوهق ويعابل بعمره بعد ماتغرق
خيامه
طالعوا طالعوا الأرض شوفوها نازله
مرتفعه بعيده عن نقعة الماي مو بس تعال وحط خيامك واقعد
يالله ماعليه هاردلك ناس
قمة الروح الرياضيه ... مجابلين
خيمتهم وجايهم يمهم ويشربون والخيمه ناقعه بوسط الماي ... الله يعين جان في اغراض
داخل الخيمه .. راحت وطي 
يالله شيلوا قشكم ماعليه ... الواحد يتعلم ان شاءالله المره القادمه باذن الله تحطون خياكم فوق جبل
وانت يالحبيب رايح حق هالمكان
بهالموتر ؟؟ العالم جيبات ووانيتات ويغرزون وانت رايح بهالموتر ؟؟
يالله الله يحفظك من كل
شر ان شاءالله 
الحبيب الثاني جابل الخبره وبسّط
اشكره توهم قايمين من المكان
يالله عوافي
عسى الله يخليكم لأهلكم يارب ويحفظكم ان شاءالله هالاربعه مادري اخوان او يصيرون حق بعض لقيتهم مع اهلهم يلعبون حول الخباري واستأذنت من والدهم بتصويرهم ووافق ابن الحلال ماقصر عسى الله يخليهم لك ان شاءالله
عسى الله يحفظكم
واشوفكم في ما بعدين ان شاءالله ومايندرى يبيله زياره بريه قريبه ان شاءالله نحوس شوي فيها في البر ونطالع شكو ماكو