مساء الخير وصباح الخير على كل الناسات اللي بالدنيا العالميه .. شلونكم طيبين ان شاءالله؟؟
ان شاءالله يارب اتكونون دايما طيبون وبخير
المهم اليوم موضوعنا عن سوالف بعض الشباب والشابات اللي اتصير بالشوارع ... يعني شلون ؟؟ انا اقولكم شلون اتلاقي في بعض الاحيان لما اتروح الديوانيه وتقعد بين ربعك وسوالف حلوه وجاي حليب والحين تطوروا بعد قاموا يحطون كاباتشينو .. وكستنه وشغل عدل مدل على قولة محمد الويس والا ذاك الواحد اللي قاعد ويشلخ ابو التشلخ بالديوانيه وشنو يقول ؟؟
يقول سلمكم الله وطبعا هالنوع هذا ماعنده الا هالسالفه صاير جورج مايكل ... اهو عدل اسمه جورج مايكل والا انا غلطان ؟؟
ماعنده غير انه يقول اوله اليوم رقمت وحده كيكه ياناااااااااس ولحقتها ملاحق مو طبيعي لييييييين ماتت في دباديبي ووقفت ماقدرت اتقاوم جمالي الفتان ... اوله عاد شدعوه بو جمال فتان هونها شوي ... وفي الاخير تلاقونها معطيته ابو الطاف من أمه ولادرت حتى عن هوى داره
وعاد هالنوعيه شنو دعله ... عسى مايشوف زول ان شاءالله عفريته اللي تسوق والا كع بريك بويهك وبالطقاق اللي وراه مو هامه شي بس يبي يشوف ويتحرش
وفي الأخير يوصلها بيتهم الشاب اللطيف ولاجنه شي صار ... انزين والبانزين اللي طار منو بيدفع حسابه ؟؟
والا عاد ماكو كاميرا مو صايدته ... ماكو احد مو مار صوبه وحاده بالسياره ومسفل في ......... طوط طوط ...... رقابه ممنوع ^_^
لا وعاد قمة الشيسمونه ... لما اتكون الوحده وياها امها واييلج الفلته الخطير ابو قذله تطير ويقعد يتحرش ... ياأخي تكفى خل عندك شوية دم واستح احترم هالعيوز اللي وياها ... ترى دعوة الام اتييبك اكتاف والله ... روح الله لايوفجك ان شاءالله والا مانشوفك الا وين متعلق . عسى الله يستر على الكل ان شاءالله
تعلن شركة عان طوط عن توفر مجموعة جديده من الشباب المتخصص في توصيل البنات من وإلى منازلهم .. خدمه 24 ساعه .. ^_^
بس ترى على فكره الشباب ماينلامون ... اتلاقي بعض هالبنات من يشوفون الصبي يستخفون اللهم ياكافي تلاقيها تقعد اتطامر وترقص ومادري شتسوي بالسياره بييييييييييييه شدعوه يبا كل هذا عشان تلفتين نظر الصبي ؟؟ اقول العقل زينه وعن الخبال ترى مايمدحونه ولو انه في بعض البنات بعد يسوون هالشي من غير مايدرون عن نفسهم بس مو مشكله
لا والحين بعد هم البنات صارت لهم دواوين يقعدون فيها هم اتلاقي نفس نوعية اللي تكلمنا عنه من شوي بس على بنيه اتلاقي البنت تقعد بين ربيعاتها وماعندها غير سالفة فلان ولد فلان لحقني وفلان لحقني ... اشدراج وثول تعرفين شباب الكويت كلهم انتي ؟؟؟
والا واحد واااااااااااااي شحلاته عنده فيراري والا مادري شنو لحقني بس انا ماعطيته ويه ... اي خير ان شاءالله انتي لو يلحقج مرعوب ايام عزه جان توقفين له بس خلينا ساكتين ... مو هالنوعيه بس حجي والا بالواقع شي ثاني طبعا هذي فئه قليله من البنات احنا ماقلنا كلهم نقول فئه قليله جدا وعسى الله يستر بس
**********************************************
نروح حق نوعيه ثانيه من الدعاله وانشوف شيسوون ... اتلاقي المسكينه البنيه على ماتوقف في مكان تبي تطلب شي تبي تاكل امسيجينه يوعانه والا تبي تنزل اتييب دراعتها اللي توها مخيطتها والا واقفه عند مال الله تبي تشتري هيلاهوبات مثلا شي مني مناك والا اللي لاحقينها مايجذبون خبر بل عليكم @@
هههههههه عسى ماشر ؟؟؟ فجوا عن البنيه شوي خل اتشم هوى
حشا اتقول قطعة نقانق محشوره بصمونه .. عاد والله مايفيدج بهالوقت غير انج تحقرينهم ومااتفجين الدرايش لأنج اذا فجيتي الدريشه راح انسلم عليج ونقولج الله بالخير .... وهات من كلمات الحب والغزل ههههههههههه وأول كلمه راح تنقال .... زواج زواج انا ابيج زواج ويأشر على صبعه يعني مكان الدبله ياعمي رووووووووووووح زين شاخباري انت على هالكلمه بو الزواج شلونك بس ؟؟؟ يعني ماتتزوج الا بهالطريقه ؟؟ اقول استريـــــــح شوي انا اقول روح حق اميمتك وقولها يمه ابي اتزوج وفكنا مو تقعد تلاحق بنات العوايل والحمايل وتأشر على صبعك صايرلي حسين الخضري بكاس الخليج
بس هم ارجع واقول هذيل فئه قليله ... ^_^
************************************
انروح الحين حق نوع مسكين مايجذب خبر اي شي يشوفه يلحقه حتى لو ان شاءالله وين مايكون بس الحق مو مهم عندي بسياره على قاري طقطاقي سيكل عربانه حتى لو مشي هم ابي الحق
اي والله صج يمكن البنيه فيها حساسيه شلون يعني ؟؟؟ وانت قاعد اتغبر عليها بسيارتك ؟؟
*******************************************
خلصنا من السيارات الحين انروح حق ربع السياكل
اي عاد هذيل مساكين الصراحه .... مايقدر يطول بالتحرش اذا طلعت الوحده فيها شوية نذاله اتهوشله بسيارتها شوي والا الأخ صاحب السيكل منــــــــــــــاك اموخر عنها ... بعد مايبيله العمر غالي والا شرايكم؟
بس هم والله فيهم دعل ويناشبون خلق الله
اللي عسى مايمر بين السيارات والا اتشوف رقبته يمين يسار ... يمين يسار اتقول قاعد يطالع مباراة تنس ارضي
واذا شاف وحده عوووووع بريك وقام يعدل ببنطلونه والا تلفونه يعني ترى انا مو واقف عشانج لأ قاعد اعدل شغله وبعدين شفتج هههههههههههههههه .... اهييييييييييييه علينا يالحبيب
نروح الحين حق نوعيه ثانيه اتحب تتفشخر باللي معاها
وتلاقي بعضهم يايب صاحبته ومركبها وياه على السيكل
لا ويومها طول مااهيه وياه داق الثقل يعني ترى مااطالع احد انا ... بس خل تنزل منّه الصاحبه يعيد الكرّه مره ثانيه ونفس القزّه اللي قزها وهي وياه طبق الاصل لاشارع نقص ولاشارع زاد ... وتلاقي حال لسانه يقول الله يغربل بليسج طوفّت اشكثر والسبه انتي
الحين انخلص من هذيل ونروح انشوف واحد ماله شغل بالدنيا العالميه كلش ملش
تلاقونه بس يطالع مايسوي شي ههههههههههههه
واهوه هالشاب اللطيف اللي ماله شغل في أحد طاق اللطمه الحبيب حسباله رايح البر ومعطيها القزه السنعه
وتقبلوا تحياتي للكل وارجع واقول انه هالفئه قليله جدا في شوارعنا يعني هذيل البعض مو الكل والا الصراحه لاوالله في وايد ماشاءالله عليهم يمشون سيده ومالهم شغل في أحد عسى الله يتمم عليهم ان شاءالله